和現代的波子911，安全、寬大、穩陣、容易揸快車不同；70年代嘅波子911，精巧、全機械、方便穿插車流，而且因為難以駕馭被譽為「寡婦締造機」。後置引擎奇怪的重心分佈，大馬力少抓地，容易甩尾，一但起甩又救唔翻，更加唔好講咩駕駛輔助系統，不存在的。神秘危險捉摸不定，就係咁樣先勾起車迷對古代風冷911的熱愛。
如今好多911復刻工廠都會去嘗試復刻70年代的911車型，例如非常出名的Stinger。不過係小編心目中，來自Tuthill工廠的作品911K，才是真正的風冷911之神。無錯，因為Tuthill的作品，任性的讓911更加危險，更加「寡婦締造機」。
Tuthill重新設計咗911的風冷引擎，而且走咗高轉NA方向，同時做到輕量化以及大功率特性。目前這款水平對向6缸引擎，排量擴大為3.1升，轉速被放到11000轉，輸出馬力高達恐怖的350匹。至於車重？僅有846KG！
可以見到車體內部重新設計製造，車上各種配件，包括手剎、排擋等採用大量碳纖維製成。而車身外殼覆蓋件多數都係玻璃纖維。再加上本身70年代的911車體設計，就比現代車型細三分一，輕量化達成並不困難。不過，各種數值都話你知係台快車，至於揸唔揸得掂？顯然並不是車廠考慮範圍了。
圖片均來自網絡，視頻屬於Tuthill本人參與拍攝。觀點僅代表作者個人；如果冒犯倍感抱歉，請立刻聯繫我們。